اليوم السبت 2024/7/13 - مساءً

كورة لايف | مدرب الداخلية: «الأهلي بقاله 10 ماتشات بيكسب.. وأضعف الإيمان إننا كنا ناخد منه نقطة»





10:25 م | الخميس 04 يوليو 2024

مدرب الداخلية: «الأهلي بقاله 10 ماتشات بيكسب.. وأضعف الإيمان إننا كنا ناخد منه نقطة»

من مباراة الأهلي والداخلية

تحدث عيد مرازيق ، مدرب نادي الداخلية ، عقب الهزيمة من الأهلي ، برباعية مقابل هدف ، في إطار مباريات الجولة 29 من دوري nile ، في نسخته الـ65 

عيد مرازيق : الأهلي بقاله 10 ماتشات بيكسب واضعف الإيمان كنا ناخد نقطة

وعلق عيد مرازيق علي المباراة ، في تصريحات تلفزيونية ، عبر شاشة قنوات أون تايم سبورت ، الناقل الحصري لدوري nile ، قائلا : «بنشكر ربنا علي كل شئ والأهلي بقاله 10 ماتشات بيكسب واضعف الإيمان كنا نخرج بنقطة من الماتش »

وأضاف مدرب الداخلية : «لعبنا 6 ماتشات في 18 يوم ، واللاعيبة عملوا اللي عليهم ، لكن بنعاني من اجهاد ، ومعندناش رفاهية التغيرات ، لأننا معندناش أسكواد الأهلي »

وأكمل مرازيق : «الأهلي كسب الطلائع 4 الماتش اللي فات ، وكان عندهم دوافع لكن احنا معندناش دوافع ، والهزيمة متققلش من الداخلية ، وأي مدرب يتمني يشتغل في نادي الداخلية »

وأنهي مدرب الداخلية حديثه : « هننسي ماتش الأهلي اللي كان خلصان مع دخول الهدف التالت في مرمانا ، وهنركز في ماتش فاركو الجاي ، لانه فاصل بالنسبالنا ، وطالما فيه أمل هنتمسك بيه ، وهنحارب لأخر نفس لأن مفيش مستحيل في الكورة »

موعد مباراة الداخلية وفاركو بدوري nile 

ويلاقي نادي الداخلية نظيره فاركو ، يوم الإثنين المقبل ، في تمام الرابعة عصرا ، في إطار منافسات الجولة 30 من دوري nile .